Тақдими теникаи кишоварзӣ ба кишоварзони Суғд

    Дастрасӣ доштан ба чизе ё надоштан омили ҷиддиест, ки пешравии ҷомеаро дар самтҳои гуногуни ҳаёти иқтисодӣ ва иҷтимоӣ маълум менамояд. Барои деҳқонони ноҳияҳои Деваштич ва Шаҳристон низ ин далели раднашаванда аст. Дар ҳамкорӣ бо Маркази татбиқи лоиҳаҳо оид ба “Рушди чорводорӣ ва чарогоҳҳо” деҳаҳои зерҳадаф тавонистанд, ки аз тариқи лоиҳаи “Дастгирии соҳаи кишоварзӣ дар заминаи ҷомеа” теъдоди зиёди техника ва мошинолотро дастрас гардонанд. Аммо шумораи техникаҳои гирифта ҳануз кофӣ набуд. Мақомотҳои худфаъолияти ҷамъиятии созмон додашудаи деҳоти зерҳадаф иловатан боз техника ва мошинолоти кишоварзиро дархост намуданд. Бо назардошти ҳамин дархостҳои деҳқонон Марказ кӯшиш намуд, ки талаботи онҳоро бо техника таъмин намояд. Ва ниҳоят ин лаҳза ҳам фаро расид. Рӯзи 3-юми сентябр ҳамаи техникаҳои тақдимшаванда дар маркази ноҳияи Деваштич, дар майдони марказӣ барои супоридан ба маъраз гузошта шуда буд. 20 тарктори МТЗ-82 ва 9 ядак саҳни майдонро оро медоданд. Маросими супорнидани техникаҳо оғоз гардид. Ҳамаи намояндагони МХҶ-ҳо ва намояндагони ҷонибҳои ҳавасман ҷамъ омада буданд.

    Дар маросими супоридани техникаҳо раиси вилояти Суғд Раҷаббой Аҳмадзода, вазири кишоварзӣ Сулаймон Зиёзода ва раиси маркази татбиқи лоиҳаҳои “Рушди чорводорӣ ва чарогоҳҳо” Абдулаҳад Хоҷазода ширкат намуда, суханронӣ намуданд. Дар суханронии худ раиси Маркази татбиқи лоиҳаҳо Абдулаҳад Хоҷазода қайд кард, ки дар давоми татбиқи лоиҳаи “Дастгирии соҳаи кишоварзӣ дар заминаи ҷомеа” бори дуввум аст, ки ба деҳаҳаои зерҳадафи ин ноҳияҳо техника ва мошинолоти кишоварзӣ тақдим карда мешавад. Бори аввал моҳи январи соли 2021 ба ин ноҳияҳо 16 адад тракторҳои тамғаи МТЗ, 1 борбардори фронталӣ, 8 комбайн ва 36 адад мошинолотҳои гуногуни кишоварзӣ тақдим карда шуд. Оянда низ ба ин деҳаҳо боз 40 адад техникаву мошинолот дастрас карда мешавад.

    Дар ноҳияҳои қайдшуда 31 деҳа барои расонидани кумакҳо интихоб гардидаанд, ки 8 деҳа аз ноҳияи Шаҳристон ва 23 деҳа аз ноҳияи Деваштич мебошад. Дар асоси ҳамкориҳо ба ин деҳаҳо барои дастгирии табақаҳои гуногуни ҷамъият, хосатан деҳқонон ва занҳо лоиҳаҳои гуногун, ба монанди таъмин намудан бо техникаву мошинолот, таъмин намудан бо оби полезӣ ва ошомиданӣ, инчунин ба занҳо дастрас намудани мурғҳои марҷон ва инкубаторҳо амалӣ шуда истодааст. Ҳамаи ин фаъолиятҳо бо мақсади баланд бардоштани сатҳи зиндагии аҳолии деҳот нигаронида шудаанд, ки асоси онро тараққиёти соҳаи кишоварзӣ ташкил медиҳад.

                                           Наимов Н. - Мушовир оид ба сиёсати гендерӣ ва ҷавонон

Маблағгузор


Ҷустуҷӯй дар сомона

Обу ҳаво

Нигористон

Openstat