Роҳбарии МХҶ аз ҷониби занҳои маҳалла

 

Таъмини баробарҳуқуқии гендерӣ аз масъалаҳое ба ҳисоб меравад, ки риоя ва дастгирии он мақеи занҳоро дар ҷомеаи имрӯза баланд мебардорад.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин масъала таваҷҷуҳи хос доранд. Дар ҳамаи вохуриҳое, ки бо сокинони ноҳияҳои гуногуни мамлакат доир мегардад, ҷаноби олӣ оиди таъмини баробарҳуқуқии ҷинсӣ фикрронӣ мекунанд ва барои дастгирии занони деҳот ҳарф мезананд. Мақомотҳои маҳаллӣ соҳае мебошад, ки иштироки занон дар идоракунии он аҳамияти калон дорад. Ҳамчун анъана дар мавриди интихоби раисони МХҶ-ҳо аксар ҳолат мардони кордону солор пешниҳод мегардад. Аммо солҳои охир ин рафтори расм гардида кам- кам тағйир ёфта истодааст. Мисоли хуби он интихоб гардидани занҳо дар мақомотҳои худфаъолияти ҷамъиятӣ аст. Ноҳияи Дӯстӣ аз ҷумлаи 7 ноҳияҳои зерҳадафи лоиҳаи “Дастгирии соҳаи кишоварзӣ дар заминаи ҷомеа” (Лоиҳа) мебошад. Дар ин ноҳия барои дастгирии ҷомеа дар сатҳи 23 деҳа Мақомотҳои худфаъолияти ҷамъиятӣ (МХҶ) ташкил кард шуд, ки дар 6-тои он занҳо роҳбарии мақомотро ба уҳда доранд.

Аввали соли 2020 дар деҳаи Моҳи нав бо дастгирии Лоиҳа дар маҷлиси умумии деҳа бо иштироки аҳолии деҳа МХҶ ташкил карда шуд. Деҳаи Моҳи нав калон буда, шумораи хонаводаҳояш ба зиёда аз 600-то мерасад. Ба он нигоҳ накарда, ки Бижумаева Ҳалимахон танҳо маълумоти миёна дорад, дар вақти интихоби раиси МХҶ ҳамаи иштирокчиёни маҷлис Ҳалимахонро ба мансаби раисии МХҶ пешбарӣ намуданд. Маълум гардид, ки аҳолии деҳа ба вай итминони зиёд доранд. Ҳалимахон бо вуҷуди сардории оиларо ба уҳда доштан, дар ҳама корҳои ҷомеа фаъолона иштирок менамояд. Вай дар амалӣ намудани лоиҳаҳои гуногун дар самти рушди ҷомеа, кишоварзӣ ва тандурустӣ иштирок кардааст. Калонсолони деҳа, ки аксар деҳқон мебошанд, ин таҷрибаи вайро ба назари эътибор гирифта, шаш соли охир роҳбарии деҳаро ба уҳдаи ӯ гузоштаанд. Ҳамин моҳарату малакаҳои худро Ҳалимахон дар татбиқи фаъолиятҳои ЛДКҶ ҳам нишон дода истодааст. Дар давоми 2 соли ҳамкорӣ бо Лоиҳа дар деҳа се гуруҳи баҳрагирандагон, гуруҳи парвариши мурғи марҷон, гуруҳи парвариши гандум ва гуруҳи парвариши ҷуворимакка ташкил гардида, ба онҳо кӯмак расонида шуд. Дар ташкили ин гуруҳҳо саҳми раиси МХҶ калон аст. Бо дастгирии вай ба МХҶ 2 адад трактори МТЗ ва мошинолоти гуногуни кишоварзӣ дастрас гардидааст. Тибқи НРҶ-и таҳияшуда дар соли 2022 дар деҳа лоиҳаи таъмини оби полезӣ амалӣ карда мешавад. Ду гуруҳи парвариши арахис ташкил карда шудааст ва айни замон дар лоиҳа фаъолиятҳо ҷиҳати дастгирии ин гуруҳҳо идома доранд. Ба қавли раиси МХҶ Ҳалимахон Бижумаева шароити корбарии роҳбарони МХҶ-ҳо беҳтар шудааст. Таъмин намудан бо идораи кории сайёр ва таҷҳизоти корӣ имкон фароҳам сохтааст, ки раисони МХҶ дар дафтари корӣ нишаста бо иҷрои корҳои ҷамъиятӣ, ободонии деҳа, пешбурди лоиҳа ва дигар корҳои ҷомеа машғул гарданд.

 

 Таҳия намуд:

Мушовир оид ба гендер ва рушди ҷомеа- Наимов Н.

Маблағгузор


Ҷустуҷӯй дар сомона

Обу ҳаво

Нигористон

Openstat